Ensinantes

Esta publicación ofrece artigos, breves e divulgativos, escritos por persoas de recoñecido prestixio. Ten como fin compartir ideas, consellos, pensamentos, ademais de suscitar o debate e a reflexión sobre os vellos e os novos obxectivos da alfabetización. 'Con firma' quere contribuír a facer da lectura a ferramenta básica do coñecemento especialmente na era dixital. Ofrece a docentes, estudantes e familias claves e instrumentos para favorecer a competencia lectora e ofrece ideas e consellos para ensinar a ler (comprender, escribir, falar e conversar) por pracer e a ler para aprender matemáticas, filosofía, publicidade ou arte. Ademais, presta unha especial atención á diversificación dos soportes de lectura e ás novas formas de ler, así como as posibilidades que ofrece a Web 2.0 para a educación. A lectura dixital vai unida a novas prácticas culturais, que requiren novas competencias. Aquí abórdanse os cambios que supón a lectura en Internet que van moito máis alá dun cambio de soporte. Supón fundamentalmente cambios profundos no modo de acceder á información, de procesala e de compartila para satisfacer obxectivos moi diversos: gozar, relacionarse cos outros, participar en actividades sociais, e, fundamentalmente, aprender. Esta publicación que se enmarca nos recursos do Centro Virtual www.leer.es cuxo obxectivo é contribuír ao éxito académico e a superar o abandono e o fracaso escolar.