Galicia
Comunidade autónoma do Estado español (Unión Europea), situada no extremo noroccidental da península Ibérica. Limita ao sur con Portugal, ao leste coas comunidades de Asturias e Castela-León, ao norte co océano Atlántico e o mar Cantábrico, e ao oeste, co océano Atlántico.
2.712.445 habitantes. 29.575 quilómetros cadrados de superficie. Densidade: 94,4 habitantes por quilómetro cadrado. Máis de 1.200 quilómetros de costa. Importantes portos naturais e 700 praias. Clima oceánico húmido, con variantes comarcais marcadas pola diferenza entre a costa e o interior, a chaira e a montaña, o norte e o sur.
Capital: Santiago de Compostela (90.188).
Outras cidades importantes: Vigo (293.725), A Coruña (243.349), Ourense (108.358), Lugo (92.271), Ferrol (77.155) e Pontevedra (79.372).
Idioma: galego ("lingua propia de Galicia", segundo o Estatuto de autonomía de 1981), cooficial co castelán ou español.
División administrativa: catro provincias (A Coruña, Lugo, Ourense e Pontevedra) e 315 concellos. O concello con maior número de habitantes é Vigo. O de menor número de habitantes: Negueira de Muñiz, na provincia de Lugo (310 habitantes). O concello máis extenso é o da Fonsagrada (Lugo) con 438,45quilómetros cadrados. O máis pequeño, Mondariz-Balneario (Pontevedra), con 2,3 quilómetros cadrados.
Institucións de goberno: Xunta de Galicia (executivo), Parlamento (lexislativo) e Tribunal Superior de Xustiza (xudicial). O Consello da Cultura Galega é unha institución autónoma, con personalidade xurídica propia, encargada de asesorar e animar a actividade cultural.
Bandeira: branca cunha banda azul. No seu escudo, un grial con sete cruces.
|
 |
|
|
|
|
